اسلام آباد (صداۓ روس)
وفاقی وزیر داخلہ محسن نقوی نے بجلی بلوں میں اووربلنگ میں ملوث عملے کے خلاف ایکشن کا حکم دے دیا۔
نجی ٹی وی جیو نیوز کے مطابق وفاقی وزیرداخلہ نے ملک بھرمیں بجلی چوروں کے خلاف کریک ڈاون تیزکرنےکا حکم دیا۔انہوں نے ایف آئی اے افسران کو ہدایت کی کہ اووربلنگ اور بجلی چوروں کے خلاف 100 فیصد کارکردگی دکھائیں۔محسن نقوی کاکہنا تھا کہ اووربلنگ عوام سے ظلم کے مترادف ہے، اس میں ملوث عملہ کسی رعایت کا مستحق نہیں، اوور بلنگ کے معاملے پر عوام کو فوراً ریلیف دیا جائے۔وزیر داخلہ نے مزید کہا کہ بجلی چوری پرقابو پانے کیلئے بلوچستان،خیبرپختونخوا کے حساس علاقوں میں ایف آئی اے کو سکیورٹی فراہم کی جائے گی۔
Facebook Comments Box