روس یوکرین میں ‘بڑے حملے’ کی تیاری کر رہا ہے , وائٹ ہاؤس
ماسکو (انٹرنیشنل ڈیسک)
وائٹ ہاؤس کے قومی سلامتی کے مشیر نے تجویز پیش کی ہے کہ روسی افواج یوکرین کے شہر خارکوف پر بڑے پیمانے پر پیش قدمی کی تیاری کر رہی ہیں. اس سے قبل کیف نے ماسکو پر شہر خارکوف میں اپنی فوجی پیشرفت کرنے کا الزام لگایا۔ یوکرین کی وزارت دفاع اور صدر ولادیمیر زیلنسکی نے جمعے کے روز دعویٰ کیا کہ روس نے خارکوف ریجن کے ساتھ اس کی سرحد پر متعدد ٹھکانوں پر حملہ کیا ہے۔
وائٹ ہاؤس کی قومی سلامتی کونسل کے ترجمان جان کربی نے دن کے آخر میں صحافیوں کو بتایا کہ واشنگٹن کو تشویش ہے کہ شاید ماسکو یوکرین کے دوسرے سب سے زیادہ آبادی والے شہر پر کسی بڑے حملے کی تیاری کر رہا ہے۔ کربی نے ورچوئل پریس بریفنگ میں کہا کہ یہ یقینی طور پر ممکن ہے کہ روسی خود کو خارکوف پر ایک بڑے حملے کے لیے تیار کر رہے ہوں۔ ماسکو نے روس کے لوگانسک پیپلز ریپبلک (ایل پی آر) کے ساتھ خطے کی سرحد پر دو دیہاتوں پر کنٹروک حاصل کرنے کی اطلاع دینے کے علاوہ خارکوف کے قریب اپنی سرگرمیوں کے بارے میں معلومات فراہم نہیں کی ہیں۔
گزشتہ چند مہینوں کے دوران یوکرین کی افواج نے روسی سرحدی علاقوں، بنیادی طور پر بیلگوروڈ پر اندھا دھند ڈرون، توپ خانے اور میزائل حملے شروع کرنے اور سرحد کو توڑنے کی متعدد ناکام کوششیں کرنے کے لیے خارکوف کو ایک سپرنگ بورڈ کے طور پر استعمال کیا ہے۔