امریکہ، یورپی یونین اور کیف آگ سے کھیل رہے ہیں، روس نےخبردار کردیا

امریکہ، یورپی یونین اور کیف آگ سے کھیل رہے ہیں، روس نےخبردار کردیا

ماسکو (صداۓ روس)
روس کی وزارت خارجہ کی ترجمان ماریا زاخارووا نے ایک بیان میں کہا ہے کہ یوکرائنی فوج کے دہشت گردانہ حملوں کے سلسلے میں ماسکو نے امریکہ اور یورپی یونین کے ساتھ ساتھ ان کے زیر کنٹرول کیف کو خبردار کیا ہے کہ وہ آگ سے کھیل رہے ہیں۔ زاخارووا نے کہا 16 اور 17 مئی کو کیف کی نو نازی حکومت نے کرائمیا، کراسنودار ریجن اور دیگر روسی علاقوں پر فکسڈ ونگ ڈرونز اور بغیر عملے کی کشتیوں کے ساتھ ایک اور بڑا حملہ کیا۔ ان کا کہنا تھا کہ اس حوالے سے ایک بار پھر ہم واشنگٹن کو واضح طور پر خبردار کرنا چاہیں گے ، لندن، برسلز اور دیگر مغربی دارالحکومتوں کے ساتھ ساتھ کیف، جو کہ ان کے کنٹرول میں ہے، کہ وہ آگ سے کھیل رہے ہیں، روس اپنی سرزمین پر ایسے حملوں پر خاموش نہیں رہے گا اور انتہائی موثر جواب دے گا. انہوں نے نشاندہی کی کہ مغربی ہتھیاروں کے ساتھ ان وحشیانہ حملوں کے پیچھے یوکرین کے صدر ولادیمیر زیلنسکی کے امریکی اور برطانوی ہینڈلرز کے نقش و نگار واضح طور پر دکھائی دے رہے ہیں۔