روس تن و تنہا نہیں ہے، یوکرینی صدر کا اعتراف
ماسکو (انٹرنیشنل ڈیسک)
یوکرین کے صدر ولادیمیر زیلنسکی نے دعویٰ کیا ہے کہ مغربی ممالک روس پر یوکرین کے تنازع کے خاتمے کے لیے دباؤ ڈالنے میں ناکام رہے ہیں کیونکہ وہ ماسکو کے ساتھ مکمل طور پر تعلقات منقطع کرنے سے گریزاں ہیں۔ نیو یارک ٹائمز کے ساتھ ایک انٹرویو میں زیلنسکی نے مغرب کی سرزنش کی جس کے لیے انہوں نے روس کے ساتھ کشیدگی میں اضافے کا خدشہ قرار دیا۔ یوکرینی رہنما نے کہا کہ یہ غیرملکی ساختہ ہتھیاروں کے ساتھ روس کے اندر گہرائی میں یوکرین کے حملوں کو گرین لائٹ کرنے میں مغربی ہچکچاہٹ کا مرکز ہے۔
زیلنسکی نے شکوہ کرتے ہوئے کہا کہ پابندیوں کا اثر زائل ہو چکا ہے۔ انہوں نے کہا مغربی ممالک روس کے ساتھ اقتصادی تعلقات قائم کئے ہوئے ہیں, جسسے ظاہر ہوتا ہے کہ ہمارے شراکت دار، اصولی طور پر، روسی فیڈریشن کے ساتھ مکمل طور پر منقطع تعلقات سے خوفزدہ ہیں.