روسی شہری تارکین وطن افراد کی بڑھتی تعداد سے گھبرانے لگے، سروے
ماسکو (صداۓ روس)
خبر رساں ادارے آر بی سی نے رپورٹ کیا کہ آن لائن بھرتی کرنے والے پلیٹ فارم ایچ ایچ آر یو کی طرف سے کیے گئے ایک حالیہ سروے کے مطابق زیادہ تر روسی شہریوں کا خیال ہے کہ ملک میں تارکین وطن کی تعداد بہت زیادہ ہے۔ آؤٹ لیٹ جسے سروے کی ایک کاپی موصول ہوئی ہے، نے کہا کہ تقریباً 80 فیصد جواب دہندگان نے اپنے ملک میں رہنے والے تارکین وطن مزدوروں کی تعداد پر تشویش کا اظہار کیا۔ یہ رائے زیادہ تر ٹرانسپورٹ اور لاجسٹکس، آٹوموبائل انڈسٹری، سیکورٹی اور تعمیرات میں کام کرنے والے لوگوں کی طرف سے شیئر کی گئی تھی۔
اس سروے کے دوران صرف 12 فیصد نے کہا کہ وہ ملک میں غیر ملکی کارکنوں کی تعداد کو مناسب سمجھتے ہیں، جب کہ 4 فیصد نے کہا کہ تارکین وطن افراد کی تعداد اس سے بھی کئی زیادہ ہوسکتی ہے۔ ان خیالات کا اظہار بنیادی طور پر آئی ٹی ماہرین اور مارکیٹنگ، ریٹیل، سیاحت، کیٹرنگ اور خام مال نکالنے میں کام کرنے والے کارکنوں نے کیا۔ روسی شہریوں سے اس سروے میں جب یہ پوچھا گیا کہ ان کے خیال میں تارکین وطن بنیادی طور پر کون سی ملازمتیں لے رہے ہیں، تو 58 فیصد روسی شہریوں نے کہا کہ غیر ملکی افراد کو زیادہ تر ایسی ملازمتوں کے لیے رکھا جا رہا ہے جن کے حالات مقامی لوگوں کے لیے موزوں نہیں ہیں۔ نصف سے زیادہ نے یہ بھی کہا کہ وہ تارکین وطن کی مزدوری کو آجروں کے لیے سستا سمجھتے ہیں، اس لیے ان کے لیے غیر ملکیوں کی خدمات حاصل کرنا زیادہ منافع بخش ہے، جنہیں روس میں اپنے حقوق کا احترام یقینی بنانے میں دشواری کا سامنا کرنا پڑ سکتا ہے۔