نئے علاقے روس میں شامل ہو سکتے ہیں، سابق روسی صدر
ماسکو (صداۓ روس)
روسی سلامتی کونسل کے نائب چیئرمین دیمتری میدویدیف نے روس میں نئے خطوں کے ابھرنے کو مسترد نہیں کیا ہے۔ انہوں نے 22ویں یونائیٹڈ روس پارٹی کانگریس میں کہا کہ روس میں نئے علاقے شامل کئے جا سکتے ہیں درحقیقت یہ تجربہ دونباس اور نووروسسیا کے انضمام کا مستقبل میں بھی مفید ہوسکتا ہے، اگر ہمارے ملک میں جلد ہی نئے لیکن انتہائی قریبی علاقے ظاہر ہوجائیں تو یہ بالکل ممکن ہے.
ملک میں شامل ہونے والے نئے خطوں کو شامل کرنے اور ترقی دینے میں حکمران جماعت کی کوششوں پر تبصرہ کرتے ہوئے، میدویدیف، جو اس وقت ملکی سلامتی کونسل کے نائب چیئرمین اور متحدہ روس پارٹی کے سربراہ کے طور پر کام کر رہے ہیں، نے تجویز پیش کی کہ یہ تجربہ ایک دن دوبارہ کام آسکتا ہے۔ انہوں نے بتایا کہ مستقبل میں اس تجربے کی مانگ ہوسکتی ہے اگر ہمارے بہت قریب نئے علاقے ہمارے ملک میں نمودار ہوں، کیونکہ یہ ممکن ہے.
یاد رہے ستمبر 2022 کو ہونے والے ریفرنڈم کے بعد دونیسک اور لوگانسک عوامی جمہوریہ، زاپوروزئے اور خیرسن کے علاقے روس کا حصہ بن گئے تھے۔ اس سے قبل یوکرین میں بغاوت کے دوران مارچ 2014 کے ریفرنڈم کے بعد کریمیا اور سیواستوپول روس میں واپس آگئے تھے۔