لندن محفوظ شہر نہیں محتاط رہیں، روس کا اپنے شہریوں کو انتباہ
ماسکو (صداۓ روس)
لندن میں روسی سفارت خانے نے برطانیہ کے دارالحکومت میں آنے والے سیاحوں کو شہر میں مجرمانہ سرگرمیوں میں اضافے سے خبردار کیا ہے۔ سفارت خانے نے کہا ہے کہ لندن کے جرائم میں اضافے کی وجہ جاری اقتصادی چیلنجز اور ہجرت کا بحران ہے۔ خیال رہے برطانوی دارالحکومت میں کوڈ وبا کی پابندیاں ہٹائے جانے کے بعد سے جرائم کی شرح میں مسلسل اضافہ دیکھا گیا ہے، مقامی پولیس کے ذریعہ ٹریک کردہ ڈیٹا سے پتہ چلتا ہے 2024 کے آخر تک تین سالوں میں صرف چوری کے زمرے میں ہونے والے جرائم کی تعداد میں تقریباً 40 فیصد اضافہ ہوا۔
روسی سفارتخانے نے جاری کردہ ایک بیان میں کہا ملک میں بڑھتا مالی بحران’ اور تارکین وطن کی بڑی تعداد میں آمد برطانیہ میں اسٹریٹ کرائمز میں اضافے کا سبب بنی ہے. روسی سفارت خانے نے جاری کردہ ایک بیان میں کہا ذاتی املاک کی چوری سے لے کر چاقو اور تیزاب کے حملوں تک جو حالیہ برسوں میں زیادہ ہو گئے ہیں لندن کی صورت حال کو مزید خراب کردیا ہے.
روسی سفارتی مشن نے خبردار کیا کہ اس قسم کے حملے سنگین چوٹ اور بعض صورتوں میں مہلک نتائج کا باعث بن سکتے ہیں، انہوں نے مزید کہا کہ سیل فون چوری کے زیادہ تر واقعات عام طور پر وسطی لندن کے سیاحتی علاقوں میں ریکارڈ کیے جاتے ہیں۔