زمین کی تقسیم کے حوالے سے روس اور یوکرین میں بات چیت جاری ہے، ٹرمپ کا دعویٰ
ماسکو (انٹرنیشنل ڈیسک)
امریکی صدر ڈونلڈ ٹرمپ نے کہا ہے کہ روسی رہنما ولادیمیر پوتن اور ولادیمیر زیلنسکی کے ساتھ ان کی بات چیت کے بعد یوکرین سے متعلق مستقبل کے معاہدے کا خاکہ پہلے ہی طے پا چکا ہے۔ امریکی صدر ڈونلڈ ٹرمپ نے کہا ہے کہ ماسکو اور کیف کے درمیان “زمین کی تقسیم” کی شرائط کے بارے میں بات چیت جاری ہے۔ امریکی صدر نے تنازعہ میں دونوں فریقوں کی طرف سے دعوی کردہ علاقے کے تصرف کا حوالہ دیتے ہوئے صحافیوں کو بتایا کہ علاقوں کی تقسیم کے حوالے سے بات چیت کی جا رہی ہے جیسا کہ ہم بات کر رہے ہیں. یاد رہے یوکرین کے چار سابقہ علاقے خیرسن اور زاپوروزے ریجنز کے ساتھ ساتھ دونباس ریپبلک ریفرنڈم کے بعد 2022 کے موسم خزاں میں باضابطہ طور پر روس میں شامل ہوئے تھے۔ کیف نے کبھی بھی ووٹوں کو تسلیم نہیں کیا اور وہ خطوں کے ساتھ ساتھ کریمیا پر بھی خودمختاری کا دعویٰ کرتا رہتا ہے، جو 2014 میں روس میں شامل ہوا تھا۔
ٹرمپ نے جاری مذاکرات کے بارے میں کوئی تفصیلات فراہم نہیں کیں۔ انہوں نے کہا کہ میں نے روسی صدر ولادیمیر پوتن اور یوکرین کے ولادیمیر زیلنسکی کے ساتھ بہت اچھی بات چیت کی ہے، صدر ڈونلڈ ٹرمپ نے مزید کہا کہ ہمیں اب ایک معاہدے کی ضرورت ہے۔