اسلام آباد (صداۓ روس)
بھارت کا مکروہ چہرہ ایک بار پھر دنیا کے سامنے بےنقاب ہو گیا, ریاستی سرپرستی میں پاکستان کے خلاف جاری دہشتگردی کی سازش کے ٹھوس، ناقابلِ تردید شواہد ایک بار پھر منظرِ عام پر آ گئے ہیں۔
پاکستان نے ایک مرتبہ پھر عالمی برادری کے سامنے یہ واضح کر دیا ہے کہ بھارت محض ہمسایہ ملک نہیں، بلکہ خطے میں عدم استحکام پھیلانے والا ایک خطرناک کردار ہے۔ بلوچستان میں گزشتہ دو دہائیوں سے بھارت کی خفیہ ایجنسی “را” کی سرپرستی میں تخریب کاری اور دہشتگرد کارروائیاں پاکستان کے امن کو سبوتاژ کرنے کی کھلی کوششیں ہیں۔
سال 2009 میں مصر کے شہر شرم الشیخ میں ہونے والی دو طرفہ بات چیت میں پاکستان نے پہلی بار عالمی سطح پر بھارتی مداخلت کا باضابطہ پردہ چاک کیا۔ اس موقع پر پاکستان نے بھارتی انٹیلیجنس نیٹ ورک کی بلوچستان میں سرگرمیوں پر گہرے تحفظات کا اظہار کیا — اور یہ محض الزامات نہیں، بلکہ ناقابلِ تردید حقائق پر مبنی ثبوت تھے۔
پاکستان نے نہ صرف خطے میں بھارتی مداخلت کو بےنقاب کیا ہے بلکہ عالمی طاقتوں پر زور دیا ہے کہ وہ بھارت کی ریاستی دہشتگردی کو روکنے میں اپنا مؤثر کردار ادا کریں۔ کیونکہ اگر اب بھی خاموشی اختیار کی گئی، تو نہ صرف پاکستان بلکہ پورے خطے کا امن داؤ پر لگ جائے گا۔
