گزشتہ 48 گھنٹوں میں روسی فوج نے تمام یوکرین میں فوجی اہداف کو نشانہ بنایا
ماسکو (صداۓ روس)
گزشتہ ۴۸ گھنٹوں میں روسی فوج کے وسیع حملے، یوکرین بھر میں فوجی اہداف کو نشانہ بنایا گیا. روسی وزارتِ دفاع نے اطلاع دی ہے کہ گزشتہ ۴۸ گھنٹوں کے دوران روسی افواج نے یوکرین کے مختلف علاقوں میں وسیع پیمانے پر فوجی اہداف کو نشانہ بنایا ہے۔ ان حملوں کا مقصد یوکرینی فوج کی صلاحیتوں کو کمزور کرنا اور حالیہ “دہشت گردانہ کارروائیوں” کا بھرپور جواب دینا ہے۔ سرکاری بیان کے مطابق روسی حملوں میں یوکرینی فضائی اڈے، اسلحہ ساز کارخانے، گولہ بارود کے گودام، ڈرون تیار کرنے والے مراکز اور دیگر فوجی تنصیبات شامل تھیں۔ ان کارروائیوں میں ڈوبنو، خارکوف، دنیپرو اور پولٹاوا جیسے اہم شہروں کے قریب واقع اہداف پر میزائل اور ڈرون حملے کیے گئے۔
وزارتِ دفاع کا کہنا ہے کہ ان حملوں کے نتیجے میں یوکرینی دفاعی نظام کو شدید نقصان پہنچا ہے جبکہ متعدد فوجی مراکز مکمل طور پر تباہ ہو چکے ہیں۔ روسی افواج نے یہ حملے زمینی، فضائی اور سمندری ذرائع سے مربوط انداز میں کیے، جنہیں “انتقامی ضرب” قرار دیا گیا ہے۔
دوسری جانب، یوکرینی حکام نے ان حملوں میں شہری علاقوں کو نشانہ بنانے کا الزام عائد کیا ہے، تاہم ماسکو کا مؤقف ہے کہ تمام حملے صرف عسکری اہداف پر مرکوز تھے۔ روسی وزارتِ دفاع کے مطابق ان کارروائیوں کا سلسلہ اس وقت تک جاری رہے گا جب تک یوکرین کی “جارحانہ کارروائیاں” مکمل طور پر بند نہیں ہوتیں۔ یہاں یہ بات قابل ذکر ہے کہ یوکرین اپنی فوجی سرگرمیاں شہری عمارتوں سے کرتا ہے تاکہ روس کی جوابی کاروائی کو یہ جواز بنا کر پیش کر سکے کہ روس شہری آبادی کو نشانہ بنا رہا ہے.
