روسی Su-30 فائٹر جیٹ طیارہ فن لینڈ کی سرحد کے قریب گر کر تباہ
ماسکو (صداۓ روس)
روس کی وزارت دفاع کے مطابق جمعرات کی شام شمال مغربی روس میں ایک دور دراز علاقے میں تربیتی پرواز کے دوران Su-30 فائٹر جیٹ گر کر تباہ ہو گیا، جس میں دونوں پائلٹس ہلاک ہو گئے۔ حادثہ روس کے کیرلیا ریجن میں پیش آیا، جو فن لینڈ کی سرحد کے ساتھ واقع ہے۔ وزارت دفاع کے مطابق طیارہ کسی ہتھیار یا بم کے بغیر پرواز کر رہا تھا۔ کیرلیا کے گورنر آرٹور پارفینچیکوف نے بتایا کہ پائلٹس 159 ویں گارڈز فائٹر ایوی ایشن رجمنٹ سے تعلق رکھتے تھے، جس کا ہیڈکوارٹر بیسوویٹس میں ہے۔ انہوں نے ٹیلگرام پر لکھا میں ان خاندانوں اور دوستوں سے دلی تعزیت پیش کرتا ہوں جنہوں نے اپنی جانیں کھو دیں۔ یاد رہے کہ گزشتہ ماہ میگ-31 فائٹر طیارہ لیپٹسک ریجن میں لینڈنگ کے دوران حادثے کا شکار ہوا تھا، لیکن اس میں دونوں پائلٹس نے کامیابی سے ایجیکٹ کیا تھا۔
