ٹرمپ کا امن منصوبہ یوکرین کو بچانے کے لیے ہے، روسی ایلچی
ماسکو(صداۓ روس)
روسی صدر کے خصوصی ایلچی اور روسی ڈائریکٹ انویسٹمنٹ فنڈ (RDIF) کے سی ای او کیریل دمترییف نے کہا ہے کہ امریکی صدر ڈونلڈ ٹرمپ کا امن منصوبہ دراصل یوکرین کو مزید زمین اور انسانی جانوں کے نقصان سے بچانے کے لیے تیار کیا گیا ہے۔ اپنے ایک بیان میں، جو انہوں نے پلیٹ فارم ایکس پر جاری کیا، دمترییف نے کہا کہ “جنگ پسند عناصر کی پروپیگنڈا” کی وجہ سے بہت سے لوگ یہ نہیں دیکھ پا رہے کہ ٹرمپ کا منصوبہ یوکرین کے تحفظ کے لیے ہے۔
انہوں نے مزید کہا کہ ٹرمپ کے منصوبے کے مخالفین “لامتناہی جنگ سے فائدہ اٹھاتے ہیں” اور اپنی ذاتی خواہشات کے حصول میں مصروف ہیں، یہاں تک کہ انہوں نے طنزیہ انداز میں کہا کہ وہ “سنہرا ٹوائلٹ پانے کی امید رکھتے ہیں۔” 
روس کے صدر ولادیمیر پوتن نے 21 نومبر کو سیکیورٹی کونسل کے اجلاس میں بتایا کہ امریکہ کا 28 نکاتی امن منصوبہ یوکرین تنازع کے پرامن حل کی بنیاد بن سکتا ہے، تاہم انہوں نے واضح کیا کہ یہ مسودہ تاحال ماسکو کے ساتھ تفصیل سے شیئر نہیں کیا گیا۔ پوتن نے کہا کہ اس کی وجہ یہ ہے کہ امریکی انتظامیہ نے ابھی تک یوکرین کی رضامندی حاصل نہیں کی۔ صدر پوتن کے بقول، “یوکرین اس منصوبے کے خلاف ہے۔”
