روس نے نمائش میں نیا ایم آئی چونتیس ایم ون ہیلی کاپٹر متعارف کرا دیا
ماسکو (صداۓ روس)
روسی سرکاری ٹیکنالوجی کارپوریشن روستیخ کے ذیلی ادارے رشین ہیلی کاپٹرز نے این اے آئی ایس دو ہزار چھبیس کی نمائش میں جدید ایم آئی چونتیس ایم ون لائٹ ملٹی رول ہیلی کاپٹر کی نمائش کی ہے، جس میں وی کے چھ سو پچاس وی انجن نصب ہے۔ نمائش میں فراہم کی گئی معلومات کے مطابق اس ہیلی کاپٹر میں ایک پائلٹ اور تین مسافروں کے بیٹھنے کی گنجائش ہے۔ ایم آئی چونتیس ایم ون کی زیادہ سے زیادہ رفتار دو سو بیس کلومیٹر فی گھنٹہ جبکہ اس کی کروزنگ اسپیڈ ایک سو اسی کلومیٹر فی گھنٹہ بتائی گئی ہے۔
رشین ہیلی کاپٹرز کے مطابق ایم آئی چونتیس ایم ون پہلا مکمل طور پر ملکی سطح پر تیار کیا گیا لائٹ ہیلی کاپٹر ہے۔ یہ ہیلی کاپٹر مسافروں کی نقل و حمل، نگرانی کے مشنز اور فلائٹ ٹریننگ سمیت مختلف مقاصد کے لیے استعمال کیا جا سکتا ہے۔ واضح رہے کہ تیرہویں قومی نمائش اور نیشنل ایوی ایشن انفراسٹرکچر سیلون این اے آئی ایس دو ہزار چھبیس، جبکہ بغیر پائلٹ، خودکار اور روبوٹک نظاموں سے متعلق ڈرون ٹیک نمائش، چار اور پانچ فروری کو ماسکو کے کروکس ایکسپو ایگزیبیشن سینٹر میں منعقد کی جا رہی ہے۔ 
