ٹی 20 ورلڈ کپ میں مایوس کن کارکردگی، قومی کھلاڑیوں پر بھاری جرمانے
لاہور (صداۓ روس)
(پی سی بی) Pakistan Cricket Board نے ICC Men’s T20 World Cup میں قومی ٹیم کی مایوس کن کارکردگی کے بعد کھلاڑیوں پر بھاری جرمانے عائد کرنے پر غور شروع کر دیا ہے۔ ذرائع کے مطابق ٹورنامنٹ میں ناقص کارکردگی دکھانے والے کھلاڑیوں پر فی کس 50 لاکھ روپے تک جرمانہ عائد کیے جانے کی تجویز زیر غور ہے۔ تاہم حتمی فیصلہ کرنے سے قبل قانونی پہلوؤں اور ممکنہ پیچیدگیوں کا تفصیلی جائزہ لیا جا رہا ہے تاکہ کسی بھی انتظامی یا معاہداتی مسئلے سے بچا جا سکے۔
ذرائع کا کہنا ہے کہ جرمانوں کا اطلاق تمام کھلاڑیوں پر یکساں نہیں ہوگا بلکہ کارکردگی کی بنیاد پر فیصلے کیے جائیں گے۔ جن کھلاڑیوں کی کارکردگی انتہائی مایوس کن رہی ان پر زیادہ جرمانہ عائد کیے جانے کا امکان ہے، جبکہ بہتر یا تسلی بخش کارکردگی دکھانے والے کھلاڑیوں کو جرمانے سے مستثنیٰ رکھا جا سکتا ہے۔ پی سی بی حکام مشاورت کے مختلف مراحل مکمل کرنے کے بعد باضابطہ اعلان کریں گے۔ بورڈ کے اندر ٹیم کی مجموعی کارکردگی، نظم و ضبط اور پیشہ ورانہ معیار سے متعلق امور کا بھی جائزہ لیا جا رہا ہے۔
واضح رہے کہ پاکستان کرکٹ ٹیم ایک بار پھر ٹی 20 ورلڈ کپ میں توقعات پر پورا نہ اتر سکی اور ابتدائی مراحل ہی میں ٹورنامنٹ سے باہر ہو گئی، جس کے بعد شائقینِ کرکٹ اور سابق کھلاڑیوں کی جانب سے ٹیم کی کارکردگی پر شدید تنقید سامنے آئی ہے۔
