پوتن کا ایرانی صدر سے رابطہ، آیت اللہ خامنہ ای کی شہادت پر تعزیت کا اظہار
ماسکو (صداۓ روس)
روسی صدر ولادیمیر پوتن نے ایرانی صدر مسعود پزشکیان سے ٹیلی فونک گفتگو کی اور امریکہ اسرائیل کی جارحیت کے دوران سپریم لیڈر آیت اللہ علی خامنہ ای، ان کے خاندان کے افراد، دیگر عہدیداروں اور شہریوں کی شہادت پر ایک بار پھر گہرے دکھ اور تعزیت کا اظہار کیا۔
کریملن کے بیان کے مطابق پوتن نے روس کے موقف کی دوبارہ تصدیق کی کہ ایران اور وسیع تر مشرق وسطیٰ کے مسائل کے حل کے لیے فوری جنگ بندی اور سیاسی سفارتی طریقہ کار کی طرف واپسی ضروری ہے۔
ایرانی صدر مسعود پزشکیان نے ایرانی عوام کی خودمختاری کے دفاع میں روس کی یکجہتی پر شکریہ ادا کیا۔ کریملن نے مزید بتایا کہ ماسکو اور تہران کے درمیان رابطے جاری رہیں گے۔
