ماسکو (صداۓ روس)
روسی وزارت خارجہ کے سفیر برائے خصوصی امور الیگزینڈر ٹروفیموف نے والدائی انٹرنیشنل ڈسکشن کلب کے ایک ماہرانہ مکالمے کے موقع پر ٹاس نیوز ایجنسی سے گفتگو کرتے ہوئے کہا کہ روس کو مالی اور معاشی طور پر گھونٹنے کی مغربی کوششیں ناکام ہو گئی ہیں۔ انہوں نے کہا کہ “روس نے روسی حکومت، معاشرے اور کاروباری برادری کی مسلسل کوششوں کی بدولت پابندیوں کی معاشی بلیٹز کرگ کا مقابلہ کیا ہے۔ روس کو مالی اور معاشی طور پر گھونٹنے کی کوششیں ناکام رہیں گی۔ یہ درست ہے کہ ان اقدامات کا کچھ اثر ضرور ہوا ہے، مگر ہمارے مخالفین اور دشمن اپنے اہداف حاصل کرنے میں ناکام رہے ہیں۔”
ٹروفیموف نے کہا کہ مغرب کے یک طرفہ جبراً اقدامات مختلف ممالک پر دباؤ ڈالنے کا آلہ ہیں۔ “روس کے معاملے میں یہ ہمیں جھکانے، سیاسی رعایتیں دینے اور مغرب کے نافذ کردہ اصولوں کی پابندی پر مجبور کرنے کی کوشش ہے۔ عام طور پر یہ اقدامات جیو پولیٹیکل حریفوں کے خلاف استعمال ہوتے ہیں، مگر روس کے معاملے میں یہ حساب کتاب غلط ثابت ہوئے ہیں۔ انہوں نے مزید کہا کہ “روس پابندیوں کا چیمپیئن ہو سکتا ہے مگر ہم اکیلے نہیں۔ بیلاروس اور ایران پر بھی روس سے پہلے پابندیاں عائد کی گئیں۔ کیوبا کو کئی دہائیوں سے پابندیوں کا سامنا ہے۔ چین پر بھی دباؤ بڑھتا جا رہا ہے۔
