ماسکو(انٹرنیشنل ڈیسک)
امریکہ میں ایک خطرناک قسم کا ڈائیریا پھیل رہا ہے جو لوگوں کو شدید اسہال، پانی کی کمی اور کمزوری کا شکار کر رہا ہے۔ امریکی صحت حکام اس بیماری کی وجہ تلاش کرنے میں مصروف ہیں۔ سینٹرز فار ڈیزیز کنٹرول اینڈ پریونشن (CDC) کے مطابق “سائکلوسپورا کیائٹانینسس” نامی ایک چھوٹا طفیلیہ (کیڑا) اس بیماری کا باعث بن رہا ہے۔ اب تک 17 ریاستوں میں کم از کم 145 افراد اس سے متاثر ہو چکے ہیں۔ حکام کا اندازہ ہے کہ اصل تعداد اس سے کہیں زیادہ ہو سکتی ہے کیونکہ زیادہ تر کیسز تشخیص نہیں ہو پاتے۔ مئی کے ابتداء سے اب تک 20 افراد ہسپتال میں داخل ہو چکے ہیں، البتہ خوش قسمتی سے کوئی اموات نہیں ہوئیں۔ نیویارک سب سے زیادہ متاثرہ ریاست ہے جہاں 31 سے 80 افراد متاثر ہو چکے ہیں۔
علامات
– شدید پانی والا اسہال
– پیٹ میں درد اور گیس
– الٹی اور متلی
– تھکاوٹ اور بخار
یہ ڈائیریا آلودہ پانی یا کھانے سے پھیلتا ہے۔ علامات عام طور پر ایک ہفتے بعد ظاہر ہوتی ہیں۔
