ماسکو(انٹرنیشنل ڈیسک)
وینزویلا کے صدر نکولاس مادورو، جو اس وقت امریکی جیل میں ہیں، نے اپنے پوتوں اور بچوں کے نام جیل سے ایک تصویر شئیر کی ہے۔ انہوں نے اپنے سوشل میڈیا اکاؤنٹ پر تصاویر کے ساتھ ایک پیغام میں کہا کہ یہ ان کے پوتوں، بچوں اور تمام نیک لوگوں کے لیے محبت اور امید کا ایک چھوٹا سا تحفہ ہے۔
تصویر میں مادورو بھوری رنگ کے ٹریک سوٹ میں دیوار کے ساتھ کھڑے مسکراتے ہوئے دکھائی دے رہے ہیں۔
واضح رہے کہ 3 جنوری کو امریکا نے کاراکاس میں سویلین اور فوجی تنصیبات پر حملہ کیا اور صدر ٹرمپ نے اس حملے کی تصدیق کرتے ہوئے کہا کہ وینزویلا کے صدر نکولاس مادورو اور ان کی اہلیہ کو گرفتار کر کے ملک سے باہر لے جایا گیا۔ 5 جنوری کو دونوں نیویارک کی وفاقی عدالت میں پیش ہوئے، جہاں ان پر منشیات کی اسمگلنگ کے الزامات عائد کیے گئے، جبکہ دونوں نے قصور وار ہونے سے انکار کیا۔
