ماسکو (صداۓ روس)
ایروفلاوٹ کے سی ای او سرگئی الیگزینڈروسکی نے بریفنگ میں بتایا کہ کمپنی اپنے پہلے ایم سی-21 طیاروں کو مختصر فاصلے کے راستوں پر تعینات کرنے کا منصوبہ بنا رہی ہے، جن میں ماسکو سے سینٹ پیٹرزبرگ اور نیزنی نووگوروڈ شامل ہیں۔ انہوں نے کہا کہ یہ طیارے ان علاقوں میں استعمال کیے جائیں گے جہاں تیزی سے بکنگ کی جا سکتی ہے اور تکنیکی مدد آسانی سے دستیاب ہے۔ ایروفلائیٹ کو 2027 کی چوتھی سہ ماہی میں پہلے آٹھ ایم سی-21 طیارے ملنے کی توقع ہے، جبکہ 2028 میں مزید 10 طیارے ملیں گے۔ پائلٹس، عملے اور انجینئرز کی تربیت 2027 میں شروع ہوگی۔ الیگزینڈروسکی نے کہا کہ پائلٹس کا انتخاب پہلے ہی کر لیا گیا ہے۔ ایروفلائیٹ مزید 90 ایم سی-21 طیاروں کے لیے یو اے سی کے ساتھ معاہدے پر دستخط کرنے کی تیاری کر رہا ہے، جس کی ترسیل 2029 میں شروع ہو کر 2032 کے آخر تک مکمل ہوگی.
