امریکہ میں فضائی سفر مسافروں کے لیے مایوسی کا سبب بن گیا
ماسکو (انٹرنیشنل ڈیسک)
امریکہ میں ہوائی سفر کا سال 2025 حادثات، تکنیکی خرابیاں اور عملے کی کمی جیسے سنگین مسائل کے باعث شدید دباؤ کا شکار رہا ہے، جس سے موسمِ گرما کا سفری سیزن بھی متاثر ہونے کا خدشہ ہے۔ سال کے آغاز میں واشنگٹن میں ایک مسافر طیارے اور فوجی ہیلی کاپٹر کے درمیان تصادم میں 67 افراد ہلاک ہوئے، جبکہ متعدد ایئرپورٹس پر طیارے آپس میں ٹکرانے سے بال بال بچے۔ نیوآرک لبرٹی ایئرپورٹ پر ائیر ٹریفک کنٹرول نظام کئی ہفتے متاثر رہا، جس کی وجہ عملے کی کمی اور ٹیکنالوجی کی خرابی بنی۔ اب ماہرین خبردار کر رہے ہیں کہ یادگار ویک اینڈ سے شروع ہونے والا سمر ٹریول سیزن مسافروں کے لیے تاخیر اور پریشانی کا سبب بن سکتا ہے، کیونکہ صرف یونائیٹڈ ایئرلائنز ہی اس دوران پچھلے سال کے مقابلے میں تین لاکھ زیادہ مسافر لانے کی توقع رکھتی ہے۔ فیڈرل ایوی ایشن ایڈمنسٹریشن نے اسے پچھلے 15 سال کا مصروف ترین سیزن قرار دیا ہے، تاہم انفراسٹرکچر کی خرابیاں اور عملے کی قلت صورتحال کو مزید پیچیدہ بنا سکتی ہیں۔ اگرچہ ایوی ایشن حکام اصلاحاتی منصوبے بنا رہے ہیں، مگر ائیر ٹریفک کنٹرول سسٹم کی مکمل بہتری میں تین سے چار سال لگ سکتے ہیں۔
