آرمینیا نے نگورنوکاراباخ کو آذربائیجان کا خود مختارعلاقہ تسلیم کرلیا

یریوان (صداۓ روس)
آرمینیائی وزیر اعظم نکول پشینیان نے ایک پریس کانفرنس میں کہا ہے کہ یریوان آذربائیجان کی علاقائی سالمیت کو تسلیم کرتا ہے، جس میں ناگورنو کاراباخ کا علاقہ بھی شامل ہے، بشرطیکہ اس کی آرمینیائی آبادی کی حفاظت کو یقینی بناائے. انہوں نے کہا کہ آرمینیا نے آذربائیجان کی 86،600 مربع کلومیٹر کے علاقے کو تسلیم کیا اور امید رکھتا کہ آذربائیجان بھی آرمینیا کے 29،800 مربع کلومیٹر کی علاقائی سالمیت کو تسلیم کرے گا۔ واضح رہے آذربائیجان کے 86،600 مربع کلومیٹر کے علاقے میں نگورنوکاراباخ بھی شامل ہے۔ ان کا کہنا تھا کہ نگورنو کاراباخ کے آرمینیائی باشندوں کے بارے میں باکو اور اسٹیپینکرٹ کے درمیان بات چیت ہونی چاہیے۔

انہوں نے نگورنو کاراباخ میں رہنے والے آرمینیائی باشندوں کے تحفظ اور حقوق کے لیے بین الاقوامی تحفظات کی بھی درخواست کی، اس خدشے کا اظہار کرتے ہوئے کہ ان کے بغیر آذربائیجان اس خطے میں نسلی تعصب کو فروغ دے سکتا ہے۔