روس کے خلاف سرگرم ہیکر گروپوں کی تعداد ستر سے زائد، روسی ماہر کا انکشاف
ماسکو (صداۓ روس)
روس اور اس کے اداروں کے خلاف کم از کم ستر سے زائد ہیکر گروپ سرگرم ہیں، یہ انکشاف کاسپرسکی لیب کی منیجنگ ڈائریکٹر برائے روس و آزاد ریاستوں کی دولتِ مشترکہ (سی آئی ایس) آنا کُلا شووا نے کیا۔ ایک انٹرویو میں جب ان سے پوچھا گیا کہ فی الحال کتنے ہیکر گروپ روس کو نشانہ بنا رہے ہیں تو انہوں نے جواب دیا کہ “ہماری معلومات کے مطابق یہ تعداد ستر سے زیادہ ہے۔” ان کے مطابق، روس مخالف ہیکٹیوزم سے منسلک سائبر گروپوں کی تعداد میں اضافہ ہو رہا ہے اور صرف رواں سال کے آغاز سے اب تک سات نئے سائبر گروپ سامنے آئے ہیں۔
کُلا شووا نے کہا کہ ان کے اندازے کے مطابق 2026 تک ان حملوں میں کمی کا کوئی امکان نہیں ہے۔ “یہ تعداد بڑھ رہی ہے اور یہ صرف روس ہی نہیں بلکہ دنیا بھر میں دیکھا جا رہا ہے۔ تاہم کچھ سائبر گروپس کے لیے روس خصوصی دلچسپی رکھتا ہے، اسی لیے ہمیں توقع ہے کہ ان کے خطرات اور حملے جاری رہیں گے۔”
