برطانیہ دنیا کا دوسرا ناخوش اور بدحال ملک، سروے
ماسکو (انٹرنیشنل ڈیسک)
نیورو سائنس فاؤنڈیشن سپین لبس کی جانب سے کیے گئے سروے میں برطانیہ کو دنیا کا دوسرا سب سے زیادہ ناخوش ملک قرار دیا گیا ہے۔ سروے کے مطابق برطانویوں کی دماغی صحت کورونا وائرس وبائی مرض کے بعد گراوٹ کا شکار ہے، جس میں صحت یابی کے کوئی آثار نہیں ہیں۔ گزشتہ ہفتے شائع ہونے والی سپین لبس کی چوتھی سالانہ ‘مینٹل اسٹیٹ آف دا ورلڈ’ رپورٹ میں ٧١ ممالک میں انٹرنیٹ سے چلنے والے ٤١٩١٧٥ شرکاء کی ذہنی صحت کا جائزہ لیا گیا۔
نتائج نے انگریزی بولنے والی دنیا کی ایک بھیانک تصویر پینٹ کی۔ سروے میں شامل ٧١ ممالک میں سے، برطانیہ، آئرلینڈ، آسٹریلیا اور نیوزی لینڈ کے اینگلوفون ممالک نچلے چوتھائی حصے میں موجود ہیں، جہاں برطانیہ کے باشندے صرف ازبکستان کے باشندوں سے زیادہ خوش ہیں۔
اس سروے میں یوکے کو اپنی آبادی کی مجموعی ذہنی صحت کے لحاظ سے یمن سے آٹھ مقام اور یوکرین سے ١٢ مقام پیچھے رکھا گیا ہے۔ تقریباً ٣٥ فیصد برطانویوں نے سپین لبس کو بتایا کہ وہ یا تو “پریشان ہیں یا بے چینی کی کیفییت سے کر رہے ہیں” یہ اعداد و شمار پچھلے سال کے مقابلے میں صرف سفر عشریہ سات فیصد کم ہے، جب برطانیہ درجہ بندی میں آخری نمبر پر آیا تھا۔
ہر ملک کی مجموعی ذہنی صحت کا تعین کرنے کے لیے فاؤنڈیشن نے افراد سے ان کے “موڈ اور آؤٹ لک” “سماجی سیلف”، “ڈرائیو اینڈ موٹیویشن،” اور “موافقت اور لچک” کے بارے میں ٤٧ سوالات پوچھے۔ جبکہ سپین لبس نے نوٹ کیا کہ ان سوالات کے جوابات فطری طور پر موضوعی ہیں، دوسری رپورٹیں بھی اسی طرح کے نتائج پر پہنچی ہیں.
