پاکستانی خلا باز چینی خلائی مشن میں شامل ہوگا، چین کا اعلان
اسلام آباد (صداۓ روس)
چین نے اعلان کیا ہے کہ وہ پاکستان کے ایک خلا نورد کو اپنے خلائی اسٹیشن کے مشن میں مختصر مدت کے لیے شامل کرے گا۔ چینی سرکاری خبر رساں ایجنسی شنہوا کے مطابق، پاکستانی خلا نورد چینی خلابازوں کے ساتھ مشترکہ تربیت حاصل کرے گا تاکہ وہ مستقبل کے خلائی مشن میں حصہ لے سکے۔ یہ اعلان چین اور پاکستان کے درمیان خلائی تعاون کے نئے باب کے طور پر دیکھا جا رہا ہے، جو دونوں ممالک کے سائنسی و تکنیکی تعلقات کو مزید مضبوط کرے گا۔
