چین نے روس کے ڈونباس ریپبلک کو آزاد تسلیم کرنے کی حمایت کردی
بیجنگ (انٹرنیشنل ڈیسک)
چینی وزیر خارجہ وانگ یی نے کہا ہے کہ کشیدگی میں مسلسل اضافہ اور مغرب کی جانب سے مینسک معاہدے پر عمل درآمد میں ناکامی سے یہ صورت حال پیدا ہوئی ہے. روس کی جانب سے ڈونیٹسک اور لوگانسک ریپبلک کو تسلیم کرنے کے اعلان کے بعد چین نے یوکرین کی صورت حال پر “تشویش” کا اظہار کیا ہے۔ منگل کو اپنے امریکی ہم منصب انٹونی بلنکن سے ایک فون کال کے دوران بات کرتے ہوئے، چینی وزیر خارجہ وانگ یی نے کہا کہ تازہ ترین تبدیلیاں 2015 کے مینسک معاہدے پر عمل درآمد نہ کرنے کی وجہ سے ہوئی ہیں، جس نے ڈون باس کے منقطع علاقوں کی یوکرین سے پرامن آزادی کے لیے ایک روڈ میپ فراہم کیا۔
واضح رہے پیر کے روز روس نے مشرقی یوکرین سے خائف دو خود ساختہ جمہوریہ کو خود مختار ریاستوں کے طور پر تسلیم کیا۔ ماسکو نے کہا کہ کیف کا مینسک پروٹوکول کے تحت اپنی ذمہ داریوں کو پورا کرنے سے انکار اور اس کے باغی علاقوں کے ساتھ بات چیت کے ذریعے حل تلاش نہ کرنا اس اقدام کو جائز قرار دیتا ہے۔ یاد رہے الگ ہونے والی جمہوریہ کو خودمختار قوموں کے طور پر تسلیم کرنے کے بعد اب صدر ولادیمیر پوتن نے روسی فوجیوں کو ان علاقوں میں تعینات کرنے کا حکم دیا تاکہ یوکرینی افواج کی ممکنہ فوجی کارروائی کے خلاف ان کا دفاع کیا جا سکے۔