موسمیاتی تبدیلی روس کا دارالحکومت سائبیریا منتقل ہونے کا امکان

ماسکو (صداۓ روس)
ورلڈ وائلڈ لائف فنڈ (WWF) کی روس میں شاخ کے ایک ماہر نے خبردار کیا ہے کہ موسمیاتی تبدیلیوں کی وجہ سے روس اپنا دارالحکومت سائبیریا منتقل کرنے پر مجبور ہوسکتا ہے۔ الیکسی کورکورین جو ڈبلیو ڈبلیو ایف روس میں موسمیاتی اور توانائی کے سربراہ ہیں نے کہا کہ اگرچہ “کاربن غیر جانبداری” تک پہنچنے کا ہدف 2060 کی دہائی کے اوائل میں ہی حاصل کیا جا سکتا ہے، لیکن اس کے باوجود عالمی درجہ حرارت 2-2.5 سینٹی گریڈ تک بڑھے گا۔ کوکورین نے آر آئی اے نووستی کو بتایا کہ ہیٹ ویوز زیادہ کثرت سے ہمارے سیارے سے ٹکراتی ہیں۔

انہوں نے کہا کہ بدترین صورت حال میں “کاربن نیوٹرل ” کے اہداف تک پہنچنے سے پہلے عالمی درجہ حرارت 4.5-5C تک بڑھ سکتا ہے۔ کوکورین کا خیال ہے کہ اس طرح کے اضافے سے روس کے لیے دس میں سے ہر آٹھ یا نو گرمیاں انتہائی گرم ہو جائیں گی۔ اس تبدیلی کے نتیجے میں روسی دارالحکومت ماسکو سے منتقل ہو سکتا ہے۔

ان کا کہنا تھا کہ روس میں اس طرح کی موسمیاتی تبدیلی ہوگی جس کا مطلب ہے کہ موسم گرما میں ماسکو جیسے شہر میں رہنا شاید ناممکن ہوگا۔ یہ ممکن ہے کہ اگر یہ واقعی اتنا خراب ہو جائے تو روسی دارالحکومت سائبیریا کا شہر کراسنویارسک یا نووسیبرسک ہوگا. کوکورین نے سائبیریا کے دو بڑے شہروں کا حوالہ دیتے ہوئے مشورہ دیا یہ شہر روسی دارالحکومت ہو سکتے ہیں.تاہم ان کا کہنا تھا کہ فلحال ماسکو میں موسمیاتی صورتحال کے تیزی سے بگڑنے کے امکانات کم ہیں۔