دونباس: روسی افواج کی کراسنی لیمن کے علاقے میں اہم پیش قدمی

Denis Pushilin Denis Pushilin

دونباس: روسی افواج کی کراسنی لیمن کے علاقے میں اہم پیش قدمی

ماسکو (صداۓ روس)

ڈونیسک پیپلز ریپبلک (ڈی پی آر) کے سربراہ ڈینس پشیلن نے دعویٰ کیا ہے کہ روسی افواج نے حالیہ دنوں میں کراسنی لیمن کے محاذ پر سب سے زیادہ کامیابیاں حاصل کی ہیں اور کئی علاقوں کو “آزاد” کرایا ہے۔ روسیہ-24 ٹی وی کو دیے گئے انٹرویو میں پشیلن نے کہا کہ روسی یونٹ نہ صرف آگے بڑھ رہے ہیں بلکہ اپنی پوزیشنیں بھی بہتر کر رہے ہیں۔

Advertisement

پشیلن کے مطابق ویلیکایا نووسیلکا کے محاذ پر روسی فوج کی توجہ بوگا تیر نامی گاؤں پر مرکوز ہے، جہاں یوکرینی افواج نے اپنی قوتیں مجتمع کر رکھی ہیں اور مستحکم دفاعی نظام قائم کیا ہوا ہے۔ انہوں نے کہا اس گاؤں کی آزادی کے بعد دشمن ایک نہایت مشکل صورتِ حال میں آ جائے گا۔ پشیلن نے مارچ کے آخر میں بھی اس بات کی تصدیق کی تھی کہ کراسنی لیمن کے علاقے میں روسی افواج کی پیش قدمی میں تیزی آئی ہے۔ ان کا کہنا تھا کہ روسی فوجی میدان میں کامیابی کے ساتھ اپنی پوزیشن مضبوط کر رہے ہیں۔