دوران پرواز 700 فٹ کی بلندی پرطیارے کا دروازہ کھل گیا

سیؤل (انٹرنیشنل ڈیسک)
جمعہ کی سہ پہر جنوبی کوریا کے شہر ڈائیگو میں اترنے کے لیے ایشیانا ایئرلائنز کے طیارے کا دروازہ کھل گیا۔ ایئرلائن کے ایک اہلکار نے بتایا کہ ایسا لگتا تھا کہ 30 سالہ ایک شخص جو ایمرجنسی سیٹ پر بیٹھا ہوا تھا نے دروازہ کھولا، جبکہ اس وقت طیارہ زمین سے تقریباً 700 فٹ یعنی (213 میٹر) اونچائی پر تھا اور شہر میں اترنے سے تقریباً دو سے تین منٹ کے فاصلے پر تھا۔ تاہم کمپنی کے حکام نے صداۓ روس کو بتایا کہ طیارہ بحفاظت اتر گیا تھا۔

مقامی پولیس نے بتایا کہ ایک شخص جس نے دروازہ کھولنے کا اعتراف کیا ہے کو گرفتار کر لیا گیا ہے،ان کا کہنا تھا کہ لیکن یہ نہیں بتایا گیا کہ اس نے ایسا کیوں کیا۔ جنوبی کوریا کی وزارت برائے لینڈ، انفراسٹرکچر اور ٹرانسپورٹ نے ایک بیان میں کہا ہے کہ پولیس اور وزارت ہوا بازی کے قانون کی خلاف ورزی پر اس مسافر سے تفتیش کر رہے ہیں۔

ایشیانا ایئر لائنز کے مطابق جہاز میں کل 200 افراد سوار تھے، جن میں 194 مسافر شامل تھے۔ ڈیگو فائر ڈپارٹمنٹ کے مطابق ہائپر وینٹیلیشن سے 12 افراد کو معمولی چوٹیں آئیں اور ان میں سے نو افراد جن کو سانس لینے میں دشواری کا سامنا کرنا پڑا ڈیگو کے ہسپتالوں میں بھیج دیا گیا ہے۔ فلائٹ ریڈار 24 ٹریکنگ ویب سائٹ پر طیارے کی شناخت ایئر بس 321 کے طور پر کی گئی۔