ماسکو میں چیف ایڈیٹراشتیاق ہمدانی کی پاکستان میں متعین روسی سفیر البرٹ خوریف سے ملاقات
ماسکو (صداۓ روس)
حال ہی میں پاکستان اور روس کے بین الحکومتی کمیشن کا اہم اجلاس ماسکو میں منعقد ہوا، جس میں پاکستان سے وفاقی وزیر توانائی سردار اویس خان لغاری کی سربراہی میں 11 رکنی وفد شریک ہوا۔ دوسری جانب روسی وفد کی قیادت ان کے ہم منصب روسی وزیر توانائی سرگئی ایوگینیویچ نے کی۔ روسی وفد میں پاکستان میں متعین روس کے سفیر البرٹ خوریف نے بھی شرکت کی. اس موقع پر چیف ایڈیٹر صداۓ روس اشتیاق ہمدانی نے پاکستان میں متعین روسی سفیر البرٹ خوریف سے ملاقات کی. اس ملاقات کے دوران روسی سفیر نے صداۓ روس کے شفاف صحافتی میعار کو سراہا اور اشتیاق ہمدانی کی خصوصی کاوش کو تسلیم کیا.
روسی سفیر البرٹ خوریف اور چیف ایڈیٹر صداۓ روس اشتیاق ہمدانی نے پاکستان اور روس کے مابین بڑھتے ہوئے تعلقات پر تبادلہ خیال کیا اور دونوں ممالک کی جانب سے تجارت، صنعت، توانائی سمیت دفاعی میدان میں تعاون کے فروغ پر اطمینان کا اظہار کیا.
