حکومت نے پیٹرولیم مصنوعات کی قیمتوں میں کمی کا اعلان کر دیا
اسلام آباد (صداۓ روس)
حکومتِ پاکستان نے عوام کو جزوی ریلیف فراہم کرتے ہوئے پیٹرولیم مصنوعات کی قیمتوں میں کمی کا اعلان کر دیا ہے۔ پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی قیمت میں دو روپے فی لیٹر کمی کی گئی ہے، جس کے بعد اس کی نئی قیمت دو سو تریسٹھ روپے پینتالیس پیسے فی لیٹر مقرر کر دی گئی ہے۔ نوٹیفکیشن کے مطابق ہائی اسپیڈ ڈیزل کی قیمت میں بھی چار روپے اناسی پیسے فی لیٹر کمی کی گئی ہے۔ قیمت میں کمی کے بعد ہائی اسپیڈ ڈیزل کی نئی قیمت دو سو اناسی روپے پینسٹھ پیسے فی لیٹر مقرر کر دی گئی ہے۔ پیٹرولیم ڈویژن کے مطابق قیمتوں میں اس ردوبدل کا اطلاق فوری طور پر ہو گیا ہے، جبکہ متعلقہ اداروں کو ہدایت کی گئی ہے کہ ملک بھر میں نئی قیمتوں کا نفاذ یقینی بنایا جائے۔
