لاہور میں دل دہلا دینے والا سانحہ، آپریشن کے دوران ہزاروں جانور زندہ دفن
لاہور (صداۓ روس)
لاہور میں ایک انتہائی افسوسناک اور لرزا خیز واقعہ سامنے آیا ہے، جہاں ایک پالتو جانوروں کی مارکیٹ میں سرکاری انہدامی کارروائی کے دوران ہزاروں معصوم جانور مبینہ طور پر زندہ دفن کر دیے گئے۔ اس واقعے نے نہ صرف شہریوں کو ہلا کر رکھ دیا ہے بلکہ ملک بھر میں جانوروں کے حقوق کے حوالے سے شدید بحث بھی چھڑ گئی ہے۔
عینی شاہدین اور مقامی ذرائع کے مطابق، مارکیٹ کا ملبہ گرتے وقت وہاں موجود جانوروں کو محفوظ مقام پر منتقل نہیں کیا گیا، جس کے باعث بڑی تعداد میں جانور ملبے تلے دب گئے۔ واقعے کی مبینہ ویڈیوز اور تصاویر سوشل میڈیا پر وائرل ہو گئی ہیں جن میں شہریوں کے غم و غصے اور بے بسی کا اظہار صاف دکھائی دیتا ہے۔ جانوروں کے حقوق کے لیے سرگرم تنظیموں اور شہریوں نے اس سانحے پر شدید احتجاج کرتے ہوئے حکومت سے مطالبہ کیا ہے کہ ذمہ داران کے خلاف سخت کارروائی کی جائے. ملک میں جانوروں کے تحفظ سے متعلق مؤثر اور سخت قوانین بنائے جائیں.. سرکاری کارروائیوں کے دوران حفاظتی اقدامات کو یقینی بنایا جائے. شہریوں کا کہنا ہے کہ ایسے واقعات نہ صرف انتظامی غفلت کو ظاہر کرتے ہیں بلکہ پاکستان میں جانوروں کے حقوق اور فلاح کے نظام پر بھی سوالیہ نشان لگا دیتے ہیں۔
