کریملن کا کیوبا پر امریکی پابندیوں پر ردعمل
ماسکو (صداۓ روس)
کریملن نے کہا ہے کہ کیوبا کو درپیش مسائل کی بنیادی وجہ امریکا کی جانب سے عائد کردہ ناکہ بندی ہے اور ایک ملک کا دوسرے ملک اور اس کے عوام کو دباؤ میں لینا کسی طور درست نہیں۔ کریملن کے ترجمان دیمتری پیسکوف نے یہ بات خبر رساں ادارے تاس کو دیے گئے ایک انٹرویو میں کہی۔ دیمتری پیسکوف نے کیوبا میں جیٹ فیول کی قلت کے حوالے سے گفتگو کرتے ہوئے کہا کہ وہاں اصل مسئلہ ایندھن کا نہیں بلکہ امریکا کی جانب سے عائد کی گئی ناکہ بندی ہے۔ انہوں نے کہا کہ ان کے خیال میں یہ درست نہیں کہ ایک ملک دوسرے ملک کو گھونٹے اور اس کے عوام کو مشکلات سے دوچار کرے۔ کریملن کے ترجمان نے مزید کہا کہ جب ادویات کی ترسیل کے لیے ایندھن میسر نہ ہو اور جب مریضوں کو ہنگامی بنیادوں پر فضائی راستے سے منتقل کرنے کے لیے ایندھن دستیاب نہ ہو تو یہ صورتحال نہایت تشویشناک ہو جاتی ہے۔ ان کے مطابق اس طرح کے حالات انسانی بنیادوں پر بھی انتہائی منفی اثرات مرتب کرتے ہیں۔
