قازقستان نے وسطی ایشیا کی میڈیکل یونیورسٹیوں کے اساتذہ کی تربیت کا آغازکردیا
آستانہ (صداۓ روس)
کازایڈ کی پریس سروس نے اطلاع دی ہے کہ قازقستان ایجنسی برائے بین الاقوامی ترقی کازایڈ نے کرغیزستان اور تاجکستان کی میڈیکل یونیورسٹیوں کے دس اساتذہ کے لیے توسیع شدہ اوکننا ہیلتھ کیئر پروگرام کے ایک حصے کے طور پر ہفتہ طویل تربیتی کورس شروع کیا ہے، جو 17 سے 23 اکتوبر تک جاری رہے گا. واضح رہے تربیت کا انعقاد کازایڈ اور ترک تعاون اور رابطہ ایجنسی ٹیکا کی گرانٹ کے ذریعے مفت کیا جا رہا ہے۔
اس پروگرام کے تحت شرکاء قازقستان میں طبی تعلیم کے مختلف پہلوؤں کے بارے میں معلومات حاصل کرتے ہیں۔ انہیں آستانہ ترقیاتی مرکز کے تعاون سے منعقد ہونے والے ثقافتی پروگرام کے ایک حصے کے طور پر آستانہ کے اہم پرکشش مقامات کا دورہ کرنے کا موقع بھی ملے گا، جبکہ آستانہ میڈیکل یونیورسٹی سیمینار کی میزبانی کرے گی۔
