لیودمیلا پاولچینکو — دوسری جنگ عظیم میں سوویت فوج کی “لیڈی ڈیتھ”
اشتیاق ہمدانی
لیودمیلا پاولچینکو، دوسری جنگ عظیم کی سب سے معروف اور بہادر سوویت خاتون سنائپر، 12 جولائی 1916 کو یوکرین کے شہر بیلاسیریا میں پیدا ہوئیں۔ نوجوانی میں ہی شوٹنگ کا شوق اپنایا اور بعد میں کیف یونیورسٹی میں تاریخ کی تعلیم حاصل کی۔ جب 1941 میں نازی جرمنی نے سوویت یونین پر حملہ کیا، تو لیودمیلا نے رضاکارانہ طور پر ریڈ آرمی میں شمولیت اختیار کی اور جلد ہی اپنی مہارت کا لوہا منوایا۔ انہوں نے میدانِ جنگ میں 309 جرمن فوجیوں کو نشانہ بنا کر ہلاک کیا، جن میں دشمن کے 36 سنائپرز بھی شامل تھے، اور یوں انہیں “لیڈی ڈیتھ” (Lady Death) کا لقب دیا گیا۔ شدید زخمی ہونے کے بعد انہیں محاذ سے ہٹا کر سفارتی مہمات کے لیے امریکہ اور کینیڈا بھیجا گیا، جہاں انہوں نے صدر فرینکلن ڈی روزویلٹ اور خاتونِ اول ایلنور روزویلٹ سے ملاقات کی اور سوویت یونین کے لیے حمایت حاصل کی۔ لیودمیلا پاولچینکو کو ان کی بے مثال بہادری پر “ہیرو آف دی سوویت یونین” کا اعلیٰ ترین اعزاز عطا کیا گیا۔ جنگ کے بعد انہوں نے تاریخ کے میدان میں کام جاری رکھا اور اپنی زندگی سوویت نوجوانوں کی تربیت اور یادگاروں کی تعمیر کے لیے وقف کر دی۔ ان کی جرات مندی اور قربانی آج بھی جنگی تاریخ میں سنہری الفاظ میں لکھی جاتی ہے۔
