ٹرمپ نے مامدانی کی تعریفوں کے پل باندھ دیئے
ماسکو(انٹرنیشنل ڈیسک)
امریکی صدر ڈونلڈ ٹرمپ نے کہا ہے کہ نیویارک کے میئر منتخب زوھران مامدانی ’’بہت اچھا کام کر سکتے ہیں‘‘۔ دونوں سیاسی مخالفین کے درمیان جمعے کے روز وائٹ ہاؤس میں پہلی بالمشافہ ملاقات ہوئی، جس میں غیر معمولی طور پر مثبت ماحول سامنے آیا۔ ٹرمپ نے گفتگو میں کہا میں آپ کو بتا سکتا ہوں کہ میری کچھ آرا تبدیل ہوئی ہیں… مجھے پورا یقین ہے کہ وہ بہت اچھا کام کر سکتے ہیں۔ میرا خیال ہے کہ وہ دراصل کچھ قدامت پسند لوگوں کو حیران کر دیں گے۔‘‘ صدر ٹرمپ، جو اس سے قبل مامدانی کو شدید تنقید کا نشانہ بناتے رہے ہیں، نے ان کی انتخابی جیت کی تعریف بھی کی۔ زوھران مامدانی—جو ایک ڈیموکریٹک سوشلسٹ اور کم معروف ریاستی قانون ساز ہیں—گزشتہ ماہ نیویارک کے میئر منتخب ہوئے تھے۔ انہوں نے ملاقات کی درخواست مہنگائی، رہائش کے بحران اور عوامی تحفظ جیسے اہم مسائل پر بات چیت کے لیے کی۔ مہینوں میڈیا میں ایک دوسرے پر تنقید کے بعد، دونوں رہنماؤں کے درمیان اوول آفس میں ہونے والی ملاقات حیرت انگیز طور پر خوشگوار رہی۔ ٹرمپ نے صحافیوں سے بات کرتے ہوئے کہا، ’’ہم بہت سی باتوں پر متفق تھے، جتنا میں نے سوچا تھا اس سے کہیں زیادہ۔ ایک چیز ہم دونوں میں مشترک ہے: ہم چاہتے ہیں کہ ہمارا یہ شہر، جس سے ہم محبت کرتے ہیں، ترقی کرے اور کامیاب ہو۔‘‘
مقامِ ملاقات ترک کرنے کے بعد مامدانی نے بھی مثبت بیان دیا۔ ان کا کہنا تھا، ’’یہ ایک مفید ملاقات تھی جو باہمی احترام اور نیویارک شہر سے مشترکہ محبت کے محور پر قائم تھی، اور اس بات پر کہ ہم نیویارکرز کو بہتر طرزِ زندگی کی فراہمی چاہتے ہیں۔‘‘ مامدانی کی حالیہ انتخابی کامیابی اس کے باوجود سامنے آئی کہ انہیں قدامت پسند حلقوں سے سخت مخالفت اور ڈیموکریٹک اسٹیبلشمنٹ سے محدود حمایت کا سامنا تھا۔ انتخابی مہم کے دوران ٹرمپ نے انہیں ’’کمیونسٹ پاگل‘‘ تک قرار دیا تھا اور دعویٰ کیا تھا کہ ان کی پالیسیاں نیویارک کے لوگوں کو ’’شہر چھوڑ کر میامی بھاگنے‘‘ پر مجبور کر دیں گی۔ جیسے جیسے مامدانی مقبول ہوئے، ٹرمپ نے دھمکی دی کہ اگر وہ جیتے تو شہر سے وفاقی فنڈز واپس لیے جا سکتے ہیں۔ دوسری جانب مامدانی مسلسل ٹرمپ کی متعدد پالیسیوں خصوصاً امیگریشن انڈسمنٹ سے متعلق اقدامات کی مخالفت کرتے رہے ہیں — وہ شہر جہاں قریب 40 فیصد آبادی غیر ملکی نژاد ہے۔ 
