قلیل عرصہ میں لاکھوں پاکستانی ملک چھوڑ گئ
اسلام آباد (صداۓ روس
گزشتہ 6ماہ میں ساڑھے 4 لاکھ پاکستانی ملک چھوڑ گئے، سب سے زیادہ افراد سعودی عرب منتقل ہوئے ہیں۔ حکومت پاکستان کے تازہ اعداد و شمار کے مطابق روزگار کیلیے 2023 کے ابتدائی 6ماہ کے دوران 4لاکھ 50 ہزار پاکستانی بیرون ملک منتقل ہوئے،عرب میڈیا کی رپورٹ میں امیگریشن بیورو کی تازہ رپورٹ کا حوالہ دیتے ہوئے بتایا کہ ملک میں بڑھتی مہنگائی، کم تنخواہوں اور دیگر وجوہات کی بنا پر چار لاکھ 50 ہزار پاکستانی بیرون ملک منتقل ہوئے۔رپورٹ کے مطابق روزگار اور بہتر مستقبل کے سلسلے میں بیرون ملک منتقل ہونے والے افراد میں ڈاکٹر ، انجینئر ، بینک منیجر ،ا?ئی ٹی کے ماہرین، سیلز مین اور عام مزدور شامل ہیں۔
دوسرے نمبر پر متحدہ عرب امارات، تیسرے نمبر پر قطر، چوتھے نمبر پر ریاست عمان جبکہ پانچویں نمبر پر ملائیشیا رہا، رپورٹ میں بتایا گیا کہ سب سے زیادہ دو لاکھ پانچ ہزار سے زائد پاکستانی سعودی عرب، ایک لاکھ 21 ہزار سے زائد متحدہ عرب امارات جب کہ 35 ہزار سے زائد قطر منتقل ہوئے۔اسی طرح 34 ہزار سے زائد پاکستانی عمان، ا?ٹھ ہزار کے قریب بحرین اور 16 ہزار سے زائد پاکستانی افراد روزگار کے سلسلے میں ملائشیا گئے۔
بیرون ممالک جانے والے پڑھے لکھے پاکستانیوں میں پانچ ہزار کے قریب انجینئر، 24 ہزار کے قریب مختلف کاروباری شعبوں کے منیجر اور دو ہزار کے قریب ڈاکٹر بھی شامل ہیں۔
