صدر ٹرمپ کے جاپان دورے میں بیس بال، گالف اور نوبل پرائز زیرِ بحث
ماسکو (انٹرنیشنل ڈیسک)
امریکی صدر ڈونلڈ ٹرمپ آج جاپان کے دورے پر ہیں، جہاں دن کی شروعات بیس بال، گالف تحائف اور نوبل انعام کی باتوں سے ہو رہی ہے۔ ساتھ ہی نایاب معدنیات (Rare Earths) پر کسی ممکنہ تجارتی معاہدے کے امکانات پر بھی بات چیت متوقع ہے۔ ٹرمپ کے اس دورے میں جاپانی وزیرِاعظم اور دیگر اعلیٰ حکام کے ساتھ غیر رسمی ملاقاتوں میں دونوں ممالک کے درمیان معاشی اور دفاعی تعلقات پر تبادلہ خیال ہو گا. دنیا بھر کی مالیاتی منڈیاں اس دورے پر گہری نظر رکھے ہوئے ہیں، کیونکہ جاپان اور امریکہ کے تعلقات میں پیش رفت عالمی تجارت کے توازن پر اثر انداز ہو سکتی ہے۔ ادھر رائٹرز ڈیلی بریفنگ کے مطابق، سرمایہ کار آج یورپ اور ایشیا کی منڈیوں میں محتاط رویہ اختیار کیے ہوئے ہیں، جبکہ گلوبل اسٹاک انڈیکس میں معمولی اتار چڑھاؤ دیکھنے میں آ رہا ہے۔
