ایٹمی ہتھیاروں سے متعلق چین کی تجویز کا خیرمقدم کرتے ہیں، ماسکو

Russia's Deputy Foreign Minister, Sergei Ryabkov Russia's Deputy Foreign Minister, Sergei Ryabkov

ایٹمی ہتھیاروں سے متعلق چین کی تجویز کا خیرمقدم کرتے ہیں، ماسکو

ماسکو (صداۓ روس)
روس کے نائب وزیر خارجہ نے کہا ہے کہ ماسکو ایٹمی ہتھیاروں کے استعمال میں پہل نہ کرنے کی تجویز سے متعلق چین کی جدت عمل کا خیرمقدم کرتا ہے۔ روس کے نائب وزیر خارجہ سرگئی ریابکوف نے ایٹمی ہتھیاروں کے استعمال میں پہل نہ کرنے کی چینی تجویز کو منطقی قرار دیتے ہوئے اس کی قدردانی کی اور کہا کہ روس ایسی عاقلانہ تجویز کا جائزہ لے رہا ہے۔ انھوں نے کہا کہ روس اس سلسلے میں مغرب کا شفاف موقف جاننا چاہتا ہے اور وہ چاہتا ہے کہ مغرب اس بات کو واضح کرے کہ وہ اس تجویز کا جائزہ لینا چاہتا ہے یا نہیں۔

ہتھیاروں کے کنٹرول کے چینی وزارت خارجہ کے محکمے کے سربراہ سان شیاؤ بو نے ایٹمی ممالک سے اپیل کی ہے کہ وہ ایٹمی ہتھیاروں کے استعمال میں پہل نہ کرنے کے ایک معاہدے پر دستخط کریں۔

Advertisement

واضح رہے کہ روسی صدر ولادیمیر پوتن نے اس سے قبل ایک ایسے قانون پر دستخط کئے تھے جس کی بنیاد پر ہتھیاروں پر کنٹرول سے متعلق امریکہ کے ساتھ روس کا طے شدہ معاہدہ معلق ہو گيا ہے۔ روسی صدر نے اپنے اس اقدام کی وجہ کے بارے میں کہا ہے کہ روس نے اسٹارٹ نیؤ معاہدے کو جنگ یوکرین میں امریکی مداخلت کی بنا پر معلق کر دیا ہے۔