ماسکو (اشتیاق ہمدانی) روس کے مفتی شیخ راویل گیانوت الدین کا پشاور کی مسجد میں ہونے والے دھماکے میں جانی نقصان پر دکھ کا اظہار کیا ہے ۔
روسی فیڈریشن کے DUM کے چیئرمین مفتی شیخ راویل گیانوت الدین نے پاکستانی عوام کے نام تعزیتی پیغام میں کہا ہے کہ
“روس کی مسلم کمیونٹی اور اپنی طرف سے، میں پشاور میں دہشت گردانہ حملے کے نتیجے میں متاثرہ ہونے والوں کے خاندانوں اور دوستوں کے ساتھ تعزیت کا اظہار کرتا ہوں۔ مسجد میں نماز ادا کرنے کے لیے آنے والے لوگوں کی جانیں لینے والے سانحہ سے ہمارے دل غم اور درد سے تڑپ اٹھا ہے۔ روس کے مسلمان اس گستاخانہ فعل کی دوٹوک مذمت کرتے ہیں جس سے ظاہر ہوتا ہے کہ دہشت گردوں کے لیے کوئی بھی چیز مقدس نہیں ہے اور وہ اللہ تعالیٰ کے گھروں میں بھی بے گناہوں کا خون بہانے کے لیے تیار ہیں۔
مفتی شیخ راویل گیانوت الدین کا کہنا تھا کہ ہم رحمٰن رب سے دعا کرتے ہیں کہ وہ مرنے والوں کی ارواح کو جنت الفردوس میں جگہ دے، ان کو ان کے اہل خانہ اور دوستوں کو قوت اور ناقابل تلافی نقصان کو برداشت کرنے کے لیے صبر جمیل عطا فرمائے، اور متاثرین کو جلد صحت یابی عطا فرمائے۔