بھارت کے شہر حیدرآباد کے علاقے شمشاد آباد میں میونسپل اتھارٹیز کے عملے نے رات گئے مسجد کو شہید کردیا۔
تفصیلات کے مطابق حیدرآباد شہر کی میونسپل اتھارٹیز نے رات کی تاریکی میں مسجد خواجہ محمود کو پولیس کی بھاری نفری کی موجودگی میں شہید کیا، جب فجر کی نماز کے لیے نمازی مسجد پہنچے تو انہوں نے مسجد کو شہید دیکھ کر شدید غم و غصے کا اظہار کیا۔
مسلمانوں ہند کی مختلف جماعتوں کی جانب سے میونسپل آفس کے باہر شدید احتجاج کیا گیا جس پر پولیس نے کئی مظاہرین کو گرفتار کرلیا۔
پولیس نے کہا کہ مسجد کے اطراف میں موجود رہائشیوں نے اس کی تعمیر کے خلاف شکایت درج کی تھی اس لیے میونسپل حکام نے مسجد کو مسمار کردیا۔
