مسلم دنیا روس مخالف پابندیوں کے خلاف

ماسکو (صداۓ روس)
روسی نائب وزیراعظم مارات خسنولن نے کہا کہ اسلامی ممالک روس پر مغرب کی پابندیوں کی حمایت نہیں کرتے، جو کہ قازان اقتصادی فورم میں ہونے والے معاہدے اس بات کو ثابت بھی کررہیں ہیں. خسنولن نے روس اور اسلامی تعاون تنظیم کے ممالک کے وفود کو اکٹھا کرتے ہوئے کہا کہ قازان شہر میں ‘روس-اسلامک ورلڈ’ فورم کے نتیجے میں سینکڑوں میٹنگیں ہوئیں اور 100 سے زیادہ تجارتی معاہدوں پر دستخط کیے گئے۔

انہوں نے کہا کہ یہ فورم ایک ایسی جگہ بن گیا ہے جہاں سیاسی اور معاشی مفادات اکٹھے ہوگئے ہیں کیونکہ مسلم دنیا کے ممالک ہماری حمایت کرتے ہیں۔ ان کا کہنا تھا کہ مسلم دنیا کا کوئی بھی ملک ہمارے خلاف پابندیوں کی حمایت نہیں کرتا۔ اگرچہ دو عرب ممالک خاص طور پر سعودی عرب اور مصر – نے یوکرین میں اس کے فوجی آپریشن پر روس کی باضابطہ مذمت کی، لیکن کسی بھی اسلامی ملک نے مغرب کی پیروی نہیں کی اور ماسکو پر اقتصادی پابندیاں عائد نہیں کیں۔