کراچی سے کوئٹہ کے درمیان چلنے والی تمام ٹرینیں 5 روز کیلئے معطل

پاکستان ریلویز نے 26 سے 30 اگست تک لاہور سے کراچی اور کوئٹہ کے درمیان چلنے والی تمام ٹرینوں کو معطل کردیا۔

ریلوے حکام کے مطابق لاہور سے کراچی اور کوئٹہ کے درمیان چلنے والی تمام ٹرینوں کو سکھر اور حیدرآباد میں شدید بارشوں اور ریلوے ٹریک کے اوپر پانی آ جانے کی وجہ 5 دن کیلئے معطل کیا گیا۔

حکام نے بتایا کہ یہ اقدام ممکنہ حادثات سے بچنے اور مسافروں کے جان ومال کی حفاظت کیلئے اٹھایا گیا۔

Advertisement

حکام کے مطابق تمام مسافر اپنے قریبی ریزرویشن آفس جاکر اور آن لائن والے اپنی ایپ پر جاکر فل ریفنڈ لے سکتے ہیں اور مزید معلومات کیلئے ریلوے انکوائری آفس یا 117 پر رابطہ کیا جاسکتا ہے