آذربائیجان کے ساتھ امن معاہدے پر اتفاق ہوگیا، آرمینیا نے روس کو اگاہ کردیا
یریوان (صداۓ روس)
آرمینیائی سربراہ حکومت کی پریس سروس نے ان کے فون کال کے بعد بتایا کہ آرمینیائی وزیر اعظم نکول پشینیان نے روسی صدر ولادیمیر پوتن کو آذربائیجان کے ساتھ امن معاہدے پر بات چیت کی تکمیل کے بارے میں آگاہ کیا ہے. وزیراعظم نے روسی صدر کو بتایا کہ آرمینیا اور آذربائیجان کے درمیان امن اور بین الریاستی تعلقات کے قیام کے معاہدے کے مسودے پر اتفاق ہوگیا ہے اور اس مسودے پر بات چیت ختم ہوگئی ہے، انہوں نے مزید کہا کہ دونوں رہنماؤں نے علاقائی اور بین الاقوامی ایجنڈے پر متعدد امور پر بھی تبادلہ خیال کیا۔ آرمینیائی وزارت خارجہ نے 13 مارچ کو کہا کہ آذربائیجان کے ساتھ معاہدے کی تمام 17 شقوں پر اتفاق ہو گیا ہے اور یریوان نے باکو کو مدعو کیا ہے کہ وہ اس معاہدے پر کہاں اور کب دستخط کرے۔
