ماسکو(انٹرنیشنل ڈیسک)
این بی سی نیوز نے ذرائع کے حوالے سے رپورٹ دی ہے کہ امریکی وزیر دفاع پیٹ ہیگستھ نے اپنے قریبی حلقے کے ساتھ 2028 کے صدارتی انتخاب لڑنے کے امکان پر تبادلہ خیال کیا ہے۔ ذرائع کے مطابق ہیگستھ اور ان کی اہلیہ جینیفر کئی مہینوں سے صدارتی انتخاب میں حصہ لینے کے امکان پر غور کر رہے ہیں۔ ان کا خیال ہے کہ ہیگستھ میں وہ تمام خوبیاں ہیں جنہوں نے صدر ڈونلڈ ٹرمپ کو MAGA تحریک میں مقبول بنایا۔ تاہم پینٹاگون کے اسسٹنٹ برائے عوامی امور شان پارنیل نے ان اطلاعات کو مسترد کرتے ہوئے کہا کہ وزیر دفاع ہیگستھ صدارتی انتخاب نہیں لڑ رہے اور ان کی بنیادی ترجیح محکمہ جنگ کی قیادت کرنا ہے۔
اس سے قبل واشنگٹن پوسٹ نے ذرائع کے حوالے سے رپورٹ دی تھی کہ ٹرمپ نے ریپبلکن پارٹی کے ڈونرز کو نجی طور پر بتایا کہ وہ نائب صدر جے ڈی وینس کو 2028 کے صدارتی انتخاب میں امیدوار کے طور پر دیکھنا چاہتے ہیں۔
