سری لنکا جیسے حالات سے دور نہیں، لوگ سڑکوں پر نکل آئیں گے: عمران خان

چیئرمین پاکستان تحریک انصاف عمران خان نے ایک بار پھر خبردار کیا ہے کہ ہم سری لنکا جیسی تحریک سے دور نہیں ہیں۔

سوشل میڈیا پر جاری بیان میں عمران خان نے لکھا کہ صرف 3 ماہ میں زرداری اور شریف مافیا ملک کو سیاسی و معاشی طور پر گھٹنوں پر لے آیا ہے، یہ مافیا 30 سال سے اپنی لوٹی ہوئی دولت بچانے کے لیے ملک کو تباہ کر رہا ہے۔

عمران خان کا کہنا تھا سوال یہ ہے کہ کب تک ریاستی ادارے اس بات کی اجازت دیتے رہیں گے؟

Advertisement

انہوں نے مزید لکھا کہ یقین سے کہہ سکتا ہوں اپنی قوم سے ملاقات اور حقیقی آزادی کے لیے دی گئی کال کے بعد سامنے آنے والے ردعمل سے واضح ہو گیا کہ پاکستانی عوام اس مافیا کو مزید لوٹ مار کی اجازت نہیں دیں گے، ہم سری لنکا جیسی تحریک سے دور نہیں ہیں جب لوگ سڑکوں پر نکل آئیں گے۔