صدر پوتن کا جنوبی افریقہ کے صدر سے ٹیلیفونک رابطہ
ماسکو (صداۓ روس)
کریملن کے مطابق روس کے صدر صدر پوتن نے جنوبی افریقہ کے صدر سیرل رامافوسا سے ٹیلیفون پر گفتگو کی ہے، جس میں دوطرفہ تعلقات اور بین الاقوامی امور پر تبادلۂ خیال کیا گیا۔ کریملن کی پریس سروس کی جانب سے جاری بیان میں کہا گیا ہے کہ دونوں رہنماؤں نے روس اور جنوبی افریقہ کے درمیان جامع اسٹریٹجک شراکت داری کی بنیاد پر تجارت، معیشت اور سرمایہ کاری کے شعبوں میں باہمی مفاد پر مبنی تعاون کو مزید فروغ دینے سے متعلق امور پر گفتگو کی۔
بیان کے مطابق صدر پوتن اور صدر رامافوسا نے اہم عالمی مسائل پر بھی خیالات کا تبادلہ کیا اور اس بات پر زور دیا کہ روس اور جنوبی افریقہ کے مؤقف میں ہم آہنگی ضروری ہے، خصوصاً گروپ آف 20 اور برکس کے پلیٹ فارمز کے اندر تعاون کے تناظر میں۔ گفتگو کے دوران یوکرین کی صورتحال کا بھی ذکر کیا گیا۔ کریملن کے مطابق سیرل رامافوسا نے تنازع کے سیاسی اور سفارتی ذرائع سے حل کے لیے روسی کوششوں کی حمایت کا اظہار کیا۔ 
