آرمی چیف جنرل قمر جاوید باجوہ اور امریکی سینٹکام کمانڈر جنرل مائیکل ایرک کوریلا کے درمیان ٹیلیفونک رابطہ ہوا۔
آئی ایس پی آر کے مطابق رابطے میں علاقائی استحکام، دفاع اور سکیورٹی تعاون پر تبادلہ خیال کیا گیا۔ اس موقع پر آرمی چیف نے کہا کہ پاکستان امریکا کے ساتھ اپنے تعلقات کو اہمیت دیتا ہے اور امریکا کے ساتھ مشترکہ مفادات کی بنیاد پر کثیر الجہتی باہمی تعلقات کو بڑھانے کا خواہاں ہے۔
آئی ایس پی آر کے مطابق ٹیلیفونک رابطے میں تمام شعبوں میں دوطرفہ تعلقات کو مزید فروغ دینے کے عزم کیا گیا۔
آئی ایس پی آر نے بتایا کہ کمانڈر جنرل مائیکل ایرک کوریلا نے پاکستان کی مسلح افواج کی پیشہ ورانہ مہارت کا اعتراف کیا اور علاقائی استحکام میں پاکستان کے کردار کو سراہا ہے۔
