روس اور بیلاروس کا پابندیوں کے خلاف مشترکہ مؤقف، صدر پوتن
ماسکو (صداۓ روس)
ماسکو میں یونین اسٹیٹ کی سپریم اسٹیٹ کونسل کے اجلاس سے خطاب کرتے ہوئے صدر پوتن نے کہا ہے کہ روس اور بیلاروس پابندیوں کے دباؤ کے خلاف مشترکہ طور پر مزاحمت کر رہے ہیں اور ایک “حقیقی معنوں میں منصفانہ کثیر قطبی عالمی نظام” کے قیام کے لیے کام کر رہے ہیں۔ ان کا کہنا تھا کہ دونوں ممالک باہمی تعاون کے ذریعے بیرونی معاشی دباؤ کا مقابلہ کر رہے ہیں۔ صدر پوتن نے روس۔بیلاروس شراکت داری اور اتحاد پر اعتماد کا اظہار کرتے ہوئے کہا کہ مشترکہ کوششیں دوطرفہ تعلقات کو مزید مضبوط بنائیں گی۔ انہوں نے زور دیا کہ ماسکو اور منسک مساوی اور باہمی مفاد پر مبنی انضمام کو فروغ دینے اور دونوں ممالک کے شہریوں کی فلاح و بہبود بہتر بنانے کے لیے کام جاری رکھیں گے۔
