برطانیہ سے سفارتی تعلقات منقطع کرسکتے ہیں، روس

ماسکو (صداۓ روس)
روس کی وزارت خارجہ نے خبردار کیا ہے کہ برطانیہ کے ساتھ سفارتی تعلقات منقطع کرنا ایک “انتہائی اقدام” ہوگا، لیکن ماسکو یوکرین کے تنازعے میں لندن کی اہم شمولیت کو دیکھتے ہوئے یہ قدم اٹھا سکتا ہے۔ اس سے قبل وال سٹریٹ جرنل نے پچھلے ہفتے رپورٹ کیا تھا کہ “برطانوی فوج کی SAS ، SRR رجمنٹس ، بحریہ کے SBS یونٹس اور برطانیہ کی خصوصی افواج یوکرین میں اگلے مورچوں کے بہت قریب کام کر رہی ہیں۔ برطانوی اہلکار روسی فوجیوں کے ساتھ لڑائی میں براہ راست ملوث نہیں ہیں، لیکن یوکرین کی خصوصی افواج کی سرگرمیوں پر ان کا اثر و رسوخ ان تخریب کاری کی کارروائیوں سے ظاہر ہوتا ہے کہ برطانیہ روس کے خلاف متحرک ہے جیسا کہ یوکرین نے روسی ریلوے، ہوائی اڈے، ایندھن اور دیگر لاجسٹک تنصیبات کو نشانہ بنانے کی کوشش کی.

آرٹیکل پر تبصرہ کرنے کے لیے روسی میڈیا RT نے روسی وزارت خارجہ سے پوچھا کہ کیا ماسکو WSJ کے دعووں کی تصدیق کرسکتا ہے اور اگر تصدیق ہوجاتی ہے، توکیا اس سے برطانیہ کے ساتھ تعلقات منقطع ہو سکتے ہیں؟ جس کے جواب میں روسی وزارت خارجہ نے کہا ہے کہ وہ لندن کی مسلسل اشتعال انگیزیوں سے بخوبی واقف ہے جس کا مقصد کیف میں نو نازی حکومت کو فوجی مدد فراہم کرنا ہے۔ روسی وزارت خارجہ نے کہا کہ ان اقدامات کے پیش نظر روس برطانیہ کے ساتھ سفارتی تعلقات ختم کرسکتا ہے.