روسی فوج کی پیش قدمی نے پوتن۔وٹکوف ملاقات کو زیادہ مؤثر بنا دیا، کریملن
ماسکو(صداۓ روس)
کریملن کے اعلیٰ معاون یوری اوشاکوف نے کہا ہے کہ یوکرین محاذ پر روسی فوج کی کامیابیوں نے صدر ولادیمیر پوتن اور امریکی خصوصی صدارتی ایلچی اسٹیو وٹکوف کی ملاقات کے لیے ایک زیادہ سازگار ماحول پیدا کر دیا ہے۔ ان کے مطابق ماسکو میں ہونے والی یہ بات چیت روس کی مضبوط عسکری پوزیشن کے باعث مزید بامعنی ثابت ہوئی۔
روسی نشریاتی ادارے وی جیТРК کے صحافی پاویل زاروبین کو دیے گئے انٹرویو میں اوشاکوف نے کہا کہ “ہماری افواج کی فرنٹ لائن پر پیش رفت نے ان مذاکرات کو زیادہ سازگار ماحول میں ممکن بنایا۔ ہم پُراعتماد انداز میں آگے بڑھ رہے ہیں اور اسے کوئی جھٹلا نہیں سکتا، حتیٰ کہ امریکی بھی نہیں۔” 
انہوں نے امریکی صدر ڈونلڈ ٹرمپ کا حوالہ دیتے ہوئے کہا کہ ٹرمپ نے یوکرینی صدر ولادیمیر زیلنسکی کو خود یہ تسلیم کیا کہ اگر یوکرین فروری میں بات چیت پر آمادہ ہو جاتا تو اسے بہتر شرائط مل سکتی تھیں، لیکن اب کیف کی پوزیشن مسلسل کمزور ہو رہی ہے۔
